“Barselona” “Nou Kamp” stadionunun adını dəyişəcək.
Bu barədə Kataloniya təmsilçisinin rəsmi saytı məlumat yayıb. Maraqlıdır ki, klubun belə bir addım atmasına koronavirus pandemiyası səbəb olub. Belə ki, 2020/21 mövsümü üçün arenanı adlandırmaq hüququ bunu istəyən sponsora veriləcək. Əldə olunan gəlir isə koronavirusla mübarizə məqsədi ilə xərclənəcək. Bununla da “Barselona”nın stadionuna tarixdə ilk dəfə sponsor adı veriləcək.
Qeyd edək ki, “Nou Kamp” 1957-ci ildə istifadəyə verilib. Arena 99 min 354 azarkeş tutur.